გივი მერაბიშვილი

1. მონაპოვრები განწყობის ფსიქოლოგიის სფეროში:

​

 ა) პათოლოგიური განწყობის ფორმირებისა და შეცვლის კანონზომიერებები;

 ბ) ასიმილაციური მოქმედებისა და კონტრასტული განცდის კანონი;

 გ) მცდარი განწყობისეული მოქმედების გასწორება არაცნობიერ დონეზე;

 დ) მასობრივი და ინდივიდუალური განწყობის კანონზომიერებები.

​

2. ექსპერიმენტულად დაადგინა, რომ მძღოლის პროფესიისათვის გადამწყვეტი მნიშვნელობისაა არა რეაქციის სისწრაფე, კარგი ყურადღება თუ მეხსიერება, არამედ ანტიციპაცია.

​

3. შექმნა ყურადღებისა და ანტიციპაციის საკვლევი ტესტები.

​

4. პირველად დასვა ბიოლოგიურ-სოციალურ პრობლემატიკაში ფსიქიკურის ადგილის საკითხი, ჩამოაყალიბა სამწევრიანი სისტემა „სოციალური-ფსიქიკური-ბიოლოგიური“ და ექსპერიმენტულად დაამტკიცა ფსიქიკურის წამყვანი როლი ადამიანის აქტივობაში.

​

5. შექმნა ორიგინალური ფსიქოთერაპიული მიმდინარეობა „ანთროპოანალიზი“.

  ანთროპოანალიზში ახლებურადაა გადაჭრილი ისეთი პრობლემები, როგორიცაა:

​

  1. ფსიქიკურ აშლილობათა მიზეზი;

  2. რისკ-ფაქტორები;

  3. სიმპტომატიკა;

  4. რეფლექსიისა და წარმოსახვის გადამწყვეტი როლის აღმოჩენა;

  5. ფსიქიკური ჯანმრთელობის კრიტერიუმის დადგენა.

​

6. მოამზადა და პრაქტიკულად განახორციელა მშობელთა და აღმზრდელთა ტრენირების სისტემა ბავშვთა ფსიქოპროფილაქტიკაში.

 

გამოქვეყნებული აქვს 197 ნაშრომი, მათ შორის 14 მონოგრაფია, 5 სახელმძღვანელო.

 

გივი მერაბიშვილს აქვს ფსიქოთერაპიაში მუშაობის 35+ წლიანი გამოცდილება. ის დღესაც, 85 წლის ასაკში, აქტიურად ეწევა ფსიქოთერაპიულ საქმიანობას და სუპერვიზიას დამწყები თუ მოქმედი ფსიქოთერაპევტებისთვის.